पुस १५, काठमाडौं । प्रधानमन्त्री पुस्पकमल दाहाल ‘प्रचण्ड’ले तमू (गुरुङ) समुदायको महत्वपूर्ण पर्व ल्होसार विश्वकै पुरानो सांस्कृतिक पर्व भएको बताएका छन् । तमु ल्होसार २०८० को अवसरमा काडमाडौंको खुल्लामञ्चमा आयोजित महोत्सव उद्घाटन गर्दै प्रधानमन्त्री प्रचण्डले उक्त कुरा बताएका हुन् । उनले ल्होसार पर्वलाई पृथ्वीको वार्षिक गतिसँग पनि सम्बन्धित वैज्ञानिक पर्वको संज्ञा दिँदै नेपालको राष्ट्रिय संस्कृतिको एउटा कडी ल्होसार परम्परा र संस्कृति भएको औंल्याए । प्रधानमन्त्री प्रचण्डले नेपालमा गुरुङ समुदायले २०४६ सालमा बहुदलीय व्यवस्था स्थापनापछि ल्होसारलाई अधिकार प्राप्तिको आन्दोलनसँग जोडेर मनाउन थालेको बताए। उनले नेपालको संविधानले विविधतामा आधारित राष्ट्रिय एकता र पहिचानलाई संस्थागत गर्दै बहुजातीय, बहुभाषिक, बहुधार्मिक र बहुसांस्कृतिक विशेषता एवं भौगोलिक विविधतालाई राष्ट्रियताको मेरूदण्डका रूपमा आत्मसात गरेको उल्लेख गर्दै नेपालका सबै संस्कृतिको एकीकृत स्वरूप नै नेपालको राष्ट्रिय संस्कृति रहेको समेत बताए । प्रधानमन्त्री प्रचण्डको सम्बोधनको पूर्ण पाठ यस प्रकार छ सबैभन्दा पहिले स्वदेश तथा विदेशमा रहनुभएका तमु लगायत सम्पूर्ण नेपाली दिदीबहिनी तथा दाजुभाइहरूमा तमू ल्होसराई आशिमला ९शुभकामना० टक्राउन चाहन्छु । तमू (गुरुङ) समुदायको मान्यतामा १४ पुसको रात सबैभन्दा लामो र चिसो रात हो । १५ पुससँगै दिन लामो हुँदै जान्छ । धर्तीमा नयाँ बोट–बिरूवा उम्रन थाल्छन् । वर्षको सबैभन्दा छोटो दिनको अन्त्य र लामो तथा न्यानो दिन आगमनको खुसियालीमा नयाँ वर्ष मनाउने परम्परा कायम हुन पुग्यो । अन्ततः यही परम्परा नै ल्होसार अर्थात् नयाँ वर्ष हो । ल्होसार पर्वलाई पृथ्वीको वार्षिक गतिसँग पनि सम्बन्धित वैज्ञानिक पर्व मानिन्छ । पृथ्वीको ढल्काइअनुसार उत्तरी गोलाद्र्धमा सूर्य करिब साढे २३ डिग्री दक्षिणी अक्षांशमा पर्दा पृथ्वीको उत्तरी गोलाद्र्ध सूर्यको किरणबाट सबैभन्दा टाढा पर्छ । सूर्य प्रकाश मात्र होइन, तापको पनि मुख्य स्रोत हो । त्यसैले यो बेला पृथ्वीको उत्तरी गोलाद्र्धमा रहेका मुलुकहरूमा धेरै चिसो महसुस हुन्छ । यस मौसममा नेपालसहित चीन, मंगोलिया, भियतनाम, कोरिया, भुटान, थाइल्यान्ड, बर्मालगायतका देशमा पनि ल्होसार पर्व मनाइन्छ । यद्यपि ल्होसारलाई पुकार्ने नाममा भने ती देशमा विविधता भेटिन्छ । नेपालमा गुरुङ समुदायले २०४६ सालमा बहुदलीय व्यवस्था स्थापनापछि ल्होसारलाई कहीँ न कहीँ अधिकार प्राप्तिको आन्दोलनसँग जोडेर मनाउन थालेको पाइन्छ । प्रधानमन्त्री, मन्त्री, विभिन्न राजनीतिक दलका शीर्ष नेताहरूलाई निम्ता गरेर सामूहिक ल्होसार मनाउनुको पछाडि पनि यही उद्देश्य सन्निहित छ । म पनि सम्भव भएसम्म तपाईहरूसँगै ल्होसार पर्वमा सहभागी हुने गरेको छु । एक वर्षपछि फेरि यही मञ्चमा आएर शुभकामना साटासाट गर्न पाउँदा खुशी लागेको छ । २०५८ सालदेखि १५ पुसमा गुरुङ जातिलाई सार्वजनिक बिदा दिने निर्णय गरिएको थियो । ०६२/६३ को जनआन्दोलनपछि नेपालका सबैजसो प्रमुख जातिको चाडपर्वमा सरकारले सार्वजनिक बिदा दिन थाले पनि बीचमा सार्वजनिक बिदा कटौती गरिएको थियो । तर अहिले सार्वजनिक बिदा दिन थालिएको छ । नेपालको संविधानले विविधतामा आधारित राष्ट्रिय एकता र पहिचानलाई संस्थागत गर्दै बहुजातीय, बहुभाषिक, बहुधार्मिक र बहुसांस्कृतिक विशेषता एवं भौगोलिक विविधतासहितको एकत्वलाई राष्ट्रियताको मेरूदण्डका रूपमा आत्मसात गरेको छ । संविधानको यही मर्म र भावनालाई गहिरोसँग आत्मसात गर्दै राष्ट्रिय एकतासहितको समृद्धिको लक्ष्य प्राप्त गर्नु हाम्रो राष्ट्रिय कार्यभार हो । नेपाल पूर्व, पश्चिम, उत्तर, दक्षिणका प्रमुख सभ्यताहरूको संगमस्थल हो । यहाँ बसोबास गर्ने सबै जाति÷जनजातिको आ—आफ्नो भिन्नभिन्न परम्परा, रीतिरिवाज र संस्कृतिहरू रहेका छन् । यी सबै संस्कृतिहरूको समग्रता र एकीकृत स्वरूप नै नेपालको राष्ट्रिय संस्कृति हो । नेपालको राष्ट्रिय संस्कृतिको एउटा कडी ल्होसार परम्परा र संस्कृति हो । यो ल्होसार परम्परा विश्वकै सबैभन्दा पुरानो सांस्कृतिक परम्परा हो । मानव जातिले पशुपालन र कृषिको सुरूवात गरेदेखि नै प्रकृतिको स्वभाव र गतिको नियम पत्ता लगाउने प्रयत्न गरेको थियो । यो परम्पराले धार्मिक, सामाजिक, आर्थिक, साँस्कृतिक र स्वास्थ्य जीवनको क्षेत्रमा समेत विशेष महत्व राख्दछ । ल्होछार राष्ट्रिय र अन्तर्राष्ट्रिय पर्व पनि हो । नेपालमा यस्ता ऐतिहासिक एवं वैज्ञानिक महत्व बोकेका थुप्रै पर्व छन् । तसर्थ राज्यले ल्होसार लगायत सबै सांस्कृतिक पर्वहरूलाई राष्ट्रिय संस्कृतिको प्रवद्र्धन गर्नुपर्दछ । विभिन्न जाति एवं समुदायका धार्मिक तथा सांस्कृतिक आस्थालाई सम्मान गर्दै विभिन्न सभ्यता, भाषा, कला, संस्कृति, लिपि, भेषभुषा र सांस्कृतिक सम्पदाको संरक्षण हुँदै आएको छ । लोकतन्त्र, सामाजिक न्याय, राष्ट्रिय एकता, स्वाधीनता, अखण्डता र देशभक्तिलाई केन्द्रमा राख्दै अनुशरण गरिने अक्षुण एकता, सद्भाव र सहिष्णुता हाम्रो राष्ट्रिय विशेषता र पहिचानसमेत हो । यस विशेषतालाई आत्मसात गर्दै देशमा विद्यमान चुनौतीहरुको सम्बोधन गर्दै समुन्नतिको राष्ट्रिय आकाङ्क्षा प्राप्तिका निम्ति सरकार निरन्तर प्रयत्नशील रहँदै आएको छ । नेपाली समाजले विकास गरेको आफ्नै मौलिक विचार नेपाली राष्ट्रियताको जगमा उभिएको छ । राष्ट्रियताको संवर्धन र समुदायको पहिचानमा नै मुलुकको एकता, स्वाधीनता, समृद्धि र राष्ट्रिय हित निर्भर रहन्छ । यस्ता मौलिक चाडपर्वहरुले नेपालीबीच सामाजिक एकता, सद्भाव, धार्मिक सहिष्णुता र राष्ट्रिय एकता मजबुत बनाउँछ । तसर्थ, देशको विशेषता र मौलिकताको आत्मसातीकरणसहित सङ्घीय लोकतान्त्रिक गणतन्त्रको सौन्दर्यलाई स्थापित गर्नु हामी सबैको साझा जिम्मेवारी हो । अन्त्यमा, यस पर्वले राष्ट्रिय एकता र राष्ट्रिय मौलिक संस्कृतिको निर्माणमा उर्जा एवं सामाजिक न्याय, सुशासन र समृद्धिको राष्ट्रिय कार्यभारमा एकीकृत हुन हामी सबैमा उत्प्रेरणा पैदा हुने विश्वासका साथ फेरि एकपटक तमु जाति लगायत समस्त नेपालीहरूमा हार्दिक शुभकामना व्यक्त गर्दछु । धन्यवाद । 

काठमाडौं । सरकारले प्रधानमन्त्री कार्यालयका ६८ वटा दरबन्दी कटौती गर्ने निर्णय गरेको छ । बिहीबार बसेको मन्त्रिपरिषद् बैठकको निर्णय सुनाउँदै सञ्चार तथा सूचना प्रविधिमन्त्री रेखा शर्माले त्यस्तो निर्णय भएको जानकारी दिइन् । “प्रधानमन्त्री तथा मन्त्रिपरिषद्को कार्यालयको प्रस्तावमा कार्यालयको पुनर्संरचनासहितको संगठन तथा सर्वेक्षण स्वीकृत गर्ने भन्ने निर्णय भएको छ । यस अनुसार प्रधानमन्त्री कार्यालयको हालको दरबन्दीमा ६८ वटा दरबन्दी कम हुने भन्ने छ,” उनले भनिन् । शर्माले प्रधानमन्त्री कार्यालयको ६८ दरबन्दी कटौती भएको बताइन् । प्रधानमन्त्रीले एक वर्ष पुगेको अवसरमा प्रधानमन्त्री कार्यालयको पुनर्संरचनाबाट सुरु गर्ने भनेको र सोही अनुसार भएको उनले बताइन । 

न्यू अञ्जना डिजिटल मिडियाको प्रस्तुति नेपालको समसामयिक घटना क्रमलाई समेटेर अर्जुन पन्तको लय तथा शब्द सिर्जनामा गायिका तारा थापा र गायक हरिराम बिसीको आवाजमा मौलिक वास्तविक जनजीविकाको भोगाईमा आधारित गीत ‘कस्तो लोकतन्त्र ?’ को भिडियो सार्वजनिक भएको छ । नेपालमा ब्याप्त भष्टचार, बलात्कार र आतंकको अवस्थालाई गीतमा समेटिएको छ । गीतमा यम थापाको एरेन्ज, मानबहादुर बरालको मिक्सिङ रहेको छ । दिपक गिरीको छायाँकन, प्रकाश एसकेको सम्पादन, निशान एसकेको निर्देशन भिडियोमा रहेको छ । गीतको मर्मबमोजिम अर्जुन र ताराको अभिनय रहेको छ । ‘कस्तो लोकतन्त्र’ गीतको भिडियो हेर्नुहोस

काठमाडौं, मंसिर ३ । नेपाल कम्युनिस्ट पार्टी (नेकपा) का लोकप्रिय युवा नेता प्रकाश दाहालको आज पहिलो स्मृति कार्यक्रम मनाइएको छ । उनको स्मृति कार्यक्रम दाहाल निवास खुमलटारमा मनाइएको हो । प्रकाशको गत वर्षको मंसिर ३ गते हृदयघातका कारण निधन भएको थियो । आज उनको पहिलो स्मृति सभामा उनको जीवनी समेटिएको स्मृति स्मारिकासमेत विमोचन गरिएको छ । स्मारिकामा प्रकाशको योगदान तथा जीवनीबारे चर्चा गरिएको छ । प्रकाशबारे विभिन्न टिका-टीप्पणी उठ्ने गरेका थिए । आँखिर प्रकाश दाहाल काे हुन् ? हेर्नुस् तथा सुन्नुहोस् यो भिडियो-अडियो

बुहारीको सासुले घर छोडेर हिँडेपछि छोरा खोज्न हिँडेको छ । एकपटक सबैले सुन्नैपर्ने यो मार्मिक गीतको यो भिडियो-

कस-कसले खानुभएको यस्ता अनौठा खाना ? यस्ता ‘स्ट्रीट फुड’ स्वादका लागि मात्र प्रसिद्ध छैनन् यिनलाई बनाउनेहरूको सिप पनि मान्नै पर्ने खालको हुन्छ  । थोरै समयमा छिटोभन्दा छिटो अचम्म लाग्दा स्वादिला व्यंजन तयार गरी अाफ्ना ग्राहकलार्इ खुवाएर खुशी पार्ने गर्दछन् यी भान्सेहरुले । तलको भिडियो हेर्नुहोस्-

सुपरहिट नेपाली चलचित्र ‘छक्का पञ्जा’ को  निर्माता दिपकराज गिरी र दिपाश्री निरौलाले गरेका हुन् । उक्त चलचित्र प्रदर्शनले व्यापक सफलतासँगै अार्थिक अार्जन गर्न पनि सफल भएको छ । त्यसैले यो चलचित्र ज-जसले हेर्नुभएको छैन, जस जसलार्इ हेर्न मन अझै छ भने अब कुनै चिन्ता नगर्नुहोस् । समाचारहरुसँगै रमाइलो पृष्ठभूमि रहेको एभरेष्टदैनिकडटकमकाे यो साइटबाट रमाइला तथा मनोरन्जनात्मक विभिन्न भिडियोहरु हेर्न सक्नुहुने छ । हेरौं भिडियो-

समय निकालेर हलसम्म पुगेर अाफूलार्इ मन परेको चलचित्र हेर्न नपाउनेहरुले अब कुनै चिन्ता नगर्नुहोस् । अब एभरेष्ट दैनिकको साइटबाटै अाफूलार्इ मनपरेको चलचित्र हेरी मनोरन्जन गरौं । साउथ इण्डियन चलचित्र ‘स्पाइडर’को यो भिडियो हेर्नुहोस्-

दैनिकजसो पूजाअाजा गर्न पेडा पनि विशेष चढाउने गरिन्छ । मानिसहरु जुनसुकै बेलामा पनि पेडा खान मनपराउँछन् । सबैलार्इ कौतुहल पनि लाग्न सक्छ कि पेडा घरैमा बसीबसी कसरी बनाउने होला भनेर ? हेरौं तलको भिडियो र बनाउने तरिका सिकौं । हेर्नुहोस् भिडियो-

गायक राजेन्द्र भट्टको ‘ए भुन्टी’ गीतको यो रमाइलो भिडियो हेरौं । युट्युबमा सार्वजनिक भएको यो गीत हेर्नेको संख्या तेह्र लाख सत्चालीस हजार छपन्न पुगिसकेका छन् । हेर्नुहोस् भिडियो-

बौद्ध, जोरपाटी, सुपरमार्केट र भाटभटेनीहरुमा अहिले व्यवसायीका रुपमा निकै फस्टाइरहेको छ यो लाफिङ । बनाउन सजिलो, खाँदा मीठो बनाउन त्यति समय पनि नलाग्ने भएकाले धेरैले यसको व्यवसायी सुरु गरिरहेका छन् । कस-कसलार्इ मनपर्छ लाफिङ्ग ? लाफिङ्ग खाँदा जुन स्वाद हुन्छ, सायद त्यो स्वादका कारण धेरैलार्इ यो कसरी बनाउँछ भन्ने जिज्ञासा पनि लागेको हुन सक्छ । केबाट बनाउँछ, कसरी बनाउँछ अादि जस्ता कुराहरुको जिज्ञासा धेरैलार्इ भएको हुनुपर्छ । अाअौं अाज हामी लाफिङ्ग कसरी बनाइन्छ भन्ने कुरा थाहा पाइराखौं । कहिलेकाहीं घरैमा बसेर पनि बनाएर खान सकिन्छ । हेर्नुहोस् यो भिडियो-

समाजमा दृष्टिविहीन भनेर हेला नगरौं, सबैको साथ पाउन सके दृष्टिविहीन पनि अरुसरह जस्तै अगाडि बढ्न सक्छ भन्ने कुरालार्इ प्रमाणित गर्न सफल भएकी छिन्  दृष्टिविहीन सुष्मा केसी । उनकै कथामा अाधारित निर्देशन गरेका नयाँ नेपाली चलचित्र Blind Rocks काे यो गीतको भिडियो हेर्नुहोस्-