नारायणीमा हामफाल्ने महिलाको जीवितै उद्धार, २ बच्चाको मृत्यु

नवलपरासी, साउन २३ । नारायणी नदीमा हामफालेकी एक महिलाको उद्धार गरिएको छ। दुई बालबालिकाको भने मृत्यु भएको छ। नवलपरासीपूर्व विनियी त्रिवेणी गाउँपालिका–७ ब्यारेज पुलस्थित छाताचोकबाट नारायणी नदीमा हामफाल्दा पाल्हिनन्दन गाउँपालिका–५ बस्ने सुधा विश्वकर्माका छोरा साढे दुई वर्षीय अभिनाथ विश्वकर्मा र डेढ महीनाकी छोरी निकिता विश्वकर्माको मृत्यु भएको छ।

आमा २४ वर्षीय सुधा विश्वकर्मालाई भने स्थानीयवासीले उद्धार गरेका छन्। आमा सुधा विश्वकर्मा प्रहरी नियन्त्रणमा रहेको जिल्ला प्रहरी कार्यालय नवलपरासीपूर्वका प्रहरी निरीक्षक राजेन्द्र अधिकारीले बताए। आमा स्वयंले दुवै बच्चा साथमा लिएर नारायणी नदीमा हामफालेकी थिइन्। उनका श्रीमान प्रहरी युक्ती तालीम महाविद्यालय जर्गाहा नवलपरासीमा कार्यरत रहेका छन्। घटनाको बारेमा थप अनुसन्धान भइरहेको प्रहरी निरीक्षक अधिकारीले बताए। रासस

याे पनि पढ्नुस  पूर्व–पश्चिम राजमार्ग अवरुद्ध, ‘डाइभर्शन’ मर्मतको काम प्रभावित

कमेन्ट गर्नुहोस्

error: Content is protected !!