विपी स्मृति दिवसको अवसरमा स्टेशनरी सामाग्री वितरण

धनगढी, साउन ८ । नेपाली कांग्रेसका संस्थापक नेता विश्वेश्वरप्रसाद कोइरालाको ३७औं स्मृति दिवसको अवसरमा धनगढीस्थित आमाको माया छात्रबासका विद्यार्थीहरुलाई स्टेशनरी सामाग्री वितरण गरिएको छ ।

नेपाली कांग्रेस जिल्ला कार्यसमिति कैलाली र नेपाली कांग्रेस धनगढी नगरसमितिको संयुक्त आयोजनामा विद्यार्थीहरुलाई स्टेशनरी सामग्री हस्तान्तरण गरिएको हो । आमाको माया छात्रबासमा ३५ जना असहाय बालकहरु रहेका छन् । स्टेशनरी सामाग्री वितरण कार्यक्रममा बोल्दै सुदूरपश्चिम प्रदेशसभा सदस्य डिल्लीराज पन्तले विपी झुपडीबाट समृद्धिको थालनी हुनुपर्छ भन्ने महान विचारक भएको बताए ।

याे पनि पढ्नुस  शक्ति युवा क्लबद्वारा बृहत रक्तदान कार्यक्रमको आयोजना

विपी बाबु दुरदर्शी नेता थिए प्रदेशसभा सदस्य पन्तले भने, अहिले नेपाली कांग्रेसमात्रै होइन, कम्युनिष्टहरु पनि विपीको लाईनमा आईसकेका छन् । नेपाली कांग्रेस धनगढी नगरसमितिका सभापति तथा धनगढी उप–महानगरपालिकाका प्रमुख नृपबहादुर वडले, विपीले प्रतिपादन गरेको दर्शन विश्वमै उत्कृष्ट दर्शन भएको बताए । विपी विचारको सान्दर्भिकता हिजोमात्रै होइन, आज र भोलि (बुधबार र बिहीबार) सधैं रहने छ नगरप्रमुख वडले बताए ।

स्टेशनरी वितरण कार्यक्रममा नेपाल महिला संघका केन्द्रिय सदस्य तथा धनगढी उप–महानगरपालिकाका उप–प्रमुख सुशीला मिश्र भट्ट, नेपाल महिला संघ कैलाली जिल्ला अध्यक्ष पुष्पा भट्टलगायत थुप्रै नेता कार्यकर्ताहरुको उपस्थिति रहेको थियो ।

याे पनि पढ्नुस  धनगढीमा बजार अनुगमन, फेला परे म्याद नाघेका खाद्यवस्तु

कमेन्ट गर्नुहोस्

error: Content is protected !!