२७ लाखमा छोरीको कुमारीत्व बेच्न खोज्ने आमा पक्राउ

सौन्दर्य प्रतियोगितामा पनि भाग लिने गरेकी पूर्वसुन्दरी ३५ वर्षीया ग्लादकिख चेल्याबिन्स्क शहरकी बासिन्दा हुन् । उनले मस्कोनिवासी एक जना प्रहरीलाई आफ्नी १३ वर्षीया छोरीका उत्तेजक तस्बिर खिचाएर पठाएकी थिइन् । डाक्टरबाट छोरी कुमारी भएको प्रमाणपत्र पनि हासिल गरेकी थिइन् ।

जनवरीमा उनी छोरी लिएर मस्को पुगेकी थिइन् । बालदुराचारी प्रमाणित भएका एक जना प्रहरीले उनको छोरीसँग यौन सम्बन्ध कायम गर्नका लागि मोटो रकम दिएका थिए । ग्लादकिखले पैसा हात पार्न पनि पाएकी थिइनन्, प्रहरीले उनलाई पक्राउ गरिहाल्यो ।

याे पनि पढ्नुस  बहुविवाहको आरोपमा एक जोडी पक्राउ

अदालतले उनलाई साढे चार वर्षको जेल सजाय दिएको छ । उनका छोरी र छोरा हाल हजुरआमासँग बस्छन् । उनकी छोरीको कुमारीत्वको ग्राहक खोजिदिने काममा संलग्न अन्य दुई जनालाई साढे तीन वर्षको जेल सजाय तोकिएको छ । प्रहरीले ग्लादकिख र अन्य दुई जना दोषीले पहिले यौनकर्मीका रूपमा काम गरेको पनि बताएको छ ।

ग्लादकिखकी एक जना साथीले उनको जीवनशैली विलासी भएको बताइन् । ‘उनी महँगा र स्टाइलिस लुगा लगाउँथिइन्,’ ती साथीले भनिन्, ‘घरमा पार्टी गरिरहन्थिन् । चेल्याबिन्स्कको सौन्दर्य प्रतियोगितामा भाग लिएकी थिइन् । उनको जीवनशैली भव्य थियो ।’ एजेन्सी

याे पनि पढ्नुस  पक्राउको डरले बस्तीभरि ताला

कमेन्ट गर्नुहोस्

error: Content is protected !!