बर्षाले कोशीमा पानीको बहाव बढ्यो, सचेत रहन आग्रह

सप्तरी, असार २६ । लगातारको बर्षाले कोशी नदीमा पानीको चाप बढेको छ । कोशी नदीमा दिन प्रति दिन पानी चाप बढनाले कोशी क्षेत्रका स्थानीय चिन्तित भएका छन् । विहीबार यस बर्षको सबै भन्दा बढी पानीको वहाव भएको छ कोशीको पानीले एक लाख ५० हजार क्यूसेक वहाव पार गरेको छ ।

तराईमा विगतमा कम वर्षा भए पनि पहाडमा र तराइमा पनि दुई दिनदेखि यहाँ पनि पानी परेका कारण पानीको वहाव बढेको कन्ट्रोल रुमले जनाएको छ । कोशी नदीमा पानीको बहाव बढदा पूर्व र पश्चिमी तटबंधमा सुरक्षा बढाएको छ । कोशी व्यारेजका कर्मचारी अनुसार बिहान कूल एक लाख ५० हजार ३३५ क्यूसेक पानी ढोकाबाट वहाव गरिएको छ ।

कोशी नदीमा पानीको चाप बढेपछि सप्तरीसहित भारतका गाउँ डुवानको खतरा बढेको छ । त्यस्तै कोशी नदीमा बर्षायाममा पानीको चाप बढ्नाले कोशी छेउका गाँउमा सजग र सुरक्षित रहन कोशी बराजका अधिकारीहरूल अनुरोध गरेका छन् ।

कमेन्ट गर्नुहोस्

error: Content is protected !!