नेपालकी पूनम श्रेष्ठलाई बेलायतको सर्वोत्कृष्ट भीटीसीटी अवार्ड

काठमाडौं, फागुन २७ । नेपालको व्युटी क्षेत्रमा बेग्लै शान तथा गौरबता कायम भएको छ ।

त्यो शान तथा गौरवता पूनम व्युटी क्लबकी चर्चित व्युटीसियन पूनम श्रेष्ठले कायम गरेकी हुन् ।

पूनमले बेलायतको सर्वोत्कृष्ट व्यावसायिक तालिम च्यारिटेवल ट्रष्ट भीटीसीटीवाट ब्राइडल मेकअपमा भीटीसीटी लेभल ३ अवार्ड प्राप्त गरेकी छन् ।

केही दिनअघि बेलायतको भीटीसीटीले भारतको नयाँ दिल्लीमा आयोजना गरेको विश्वव्यापी परीक्षामा नेपालवाट सर्वोत्कृष्टता हासिल गर्ने एकमात्र व्युटीसियन पूनम श्रेष्ठले भीटीसीटी लेभल ३ अवार्ड इन एसिया ब्राइडल मेकअप पाएकी हुन् । ब्राइडल मेकअपमा थ्यौंरिकल तथा प्राक्टिकल परीक्षा दिएर पूनमले एसियावाटै सर्वोत्कृष्टता हासिल गर्न सफल भएकी हुन् ।

ब्राइडल मेकअप अर्थात दुलही मेकअपमा विशेषता तथा विज्ञता नै प्राप्त गरेकी पूनम व्युटीसियन क्षेत्रमा लागेको पनि यो वर्षवाट १५ वर्ष पुगेको छ । १५ वर्ष लामो अनुभवको सर्वोत्कृष्ट अवार्डको रुपमा आफूले लिएको पूनमले भनेकी छन् ।

पाल्पा तानसेनकी पूनमले काठमाडौंको पुतलीसडकस्थित सीपी व्युटीपार्लर तालिम इन्ष्टिच्यूटमा तालिम लिएर पाल्पामा पूनम व्युटी क्लब सुरु गरेकी थिइन् । जुन अद्यावधिक पाल्पाकै उत्कृष्ट व्युटी क्लवको रुपमा रहेको छ ।

पाल्पाको अपार सफलता पश्चात केही बर्ष अघिबाट मात्र ललितपुरको सानेपास्थित खरिवोट चोकनेर सुविधा सम्पन्न पूनम व्युटी क्लव स्थापना गरेर व्युटी क्षेत्रको सर्वोत्कृष्ट सेवा प्रदान गर्ने कार्य भइरहेको छ ।

आफ्नै दिदी जीवलक्ष्मी श्रेष्ठको प्रेरणावाट व्युटी क्षेत्रमा लागेको बताउने पूनमले नेपालका प्राय सेलिब्रेटीहरुलाइ व्युटीफिकेसन गर्ने कार्य गरिसकेकी छन् । घरानिया महिला दिदीबहिनीहरुको उत्कृष्ट रोजाई पनि पूनम व्युटी क्लव रहेको छ । कयौं महिला दिदीबहिनीहरुलाई व्युटीफिकेसनका तालिम दिएर रोजगारी दिने कार्य पनि पूनम व्युटी क्लववाट भएको छ । देशको मात्र होइन, विश्वकै नमूना व्युटी क्लबको रुपमा विकास गर्दैलाने पूनमको सोच र योजना रहेको छ।

कमेन्ट गर्नुहोस्