सभापतिलाई शक्तिशाली बनाउने गरी विधान संशोधन गर्नु गलत : महामन्त्री खड्का

विराटनगर, असोज १० ।

नेपाली काङ्ग्रेसका महामन्त्री पूर्णबहादुर खड्काले सभापतिलाई शक्तिशाली बनाउने गरी विधान संशोधन गर्नु गलत भएको बताएका छन् ।

विराटनगर विमानस्थलमा आज सञ्चारकर्मीसँग कुरा गर्दै विधान संशोधन समितिका संयोजकसमेत रहेका खड्काले तीन किसिमका सुझाव आएको समितिले सर्वसम्मत रुपले सुझाव ग्रहण गरिने जानकारी दिए ।

उनले पुरानो विधानअनुसार, केन्द्रीय समितिका सम्पूर्ण पद निर्वाचन र सभापतिले सम्पूर्ण पद मनोनीत गर्नेजस्ता सुझावलगायत अन्य विकल्पलाई समितिभित्र छलफल गरी सर्वसमितिले निर्णय गरिने बताए ।

महामन्त्री खड्काले संविधानले व्यवस्था गरेअनुसार, माथिदेखि तलसम्म समावेशी, समानुपाति रुपले विधान संशोधन गरिने बताए । साढे

तीन महिनामा मुलुकका ७७ जिल्लामा क्षेत्रीय समितिदेखि गाउँ समिति, भ्रातृ सङ्गठनबाट आवश्यक सुझाव लिएको बताउँदै उनले असोज ८ देखि १३ गतेसम्म मुलुकका १२ स्थानमा सङ्कलन गरिएका सुझाव समितिले ग्रहण गर्ने जानकारी दिए ।

कमेन्ट गर्नुहोस्

error: Content is protected !!