एएफसी यू–१६ महिला फुटबल च्याम्पियनसिप छनोट : नेपाल म्यानमारसँग भिड्ने

काठमाडौँ, असोज ५ । एएफसी यू–१६ महिला फुटबल च्याम्पियनसिप छनोटमा नेपाल शुक्रबार म्यानमारसँग भिड्ने भएको छ । हल्चोकस्थित सशस्त्र प्रहरी बलको खेल मैदानमा नेपाल र म्यानमाबीचको खेल दिउँसो ३ः३० बजे हुने छ ।

समूह चरणको पहिलो खेलमा बुधबार फिलिपिन्ससँग ४–० ले पराजित भएको नेपालले दोस्रो खेलमा म्यानमारसँग प्रतिस्पर्धा गर्न लागेको हो ।

अघिल्लो चरण प्रवेशको सम्भावना बलियो बनाउन नेपाललाई म्यानमार विरुद्धको आजको खेल जित्नै पर्ने दबाब छ । नेपालले समूह चरणको अन्तिम खेलमा आइतबार मलेसियासँग प्रतिस्पर्धा गर्ने छ ।

समूहको शीर्ष दुई टोलीले अर्को वर्ष थाइल्याण्डमा हुने एएफसी यू–१६ महिला च्याम्पियनसिपमा सहभागिता जनाउने छ । सोही मैदानमा अहिले मलेसिया र फिलिपिन्सबीचको खेल जारी छ । रासस

कमेन्ट गर्नुहोस्

error: Content is protected !!