ट्याङ्करको ठक्करबाट चितवनमा २ जनाको मृत्यु

चितवन, भदौ २२ । पूर्वी चितवनको भुरझुरेमा बिहीबार राति ट्याङ्करले मोटरसाइकललाई ठक्कर दिँदा २ जनाको मृत्यु भएको छ । जिल्ला प्रहरी कार्यालयकाअनुसार मृत्यु हुनेमा मकवानपुर छत्तिवनका ३४ वर्षीय सुकमान स्याङ्तान र बारा जितपुर-१६ का २९ वर्षीय प्रेमबहादुर मोक्तान रहेका छन् ।

 

चितवनबाट मकवानपुरतर्फ जाँदै गरेको ना३ख ८५३९ नं को ट्याङ्करले सोही दिशातर्फ जाँदै गरेको ग५प ६२६० नं को मोटरसाइकललाई राप्ती नगरपालिका-३ झुरझुरेमा ठक्कर दिएको थियो ।

 

प्रहरीका अनुसार ट्याङ्करको ठक्करबाट घाइते भएका दुवैको उपचारका लागि भरतपुर ल्याउने क्रममा बाटोमै मृत्यु भएको हो । ठक्कर दिने ट्याङ्कर चालकलाई नियन्त्रणमा लिइएको बताइएको छ । -रासस

कमेन्ट गर्नुहोस्

error: Content is protected !!