एशिया कप छनोटः नेपाल भर्सेस मलेसिया, पानी पर्दा खेल निर्धारित समयमा नहुने संकेत

काठमाडौं, भदौ १६ । मलेसियामा जारी एशिया कप छनोट प्रतियोगिता अन्तर्गत नेपालले तेस्रो खेल आज मलेसियासँग खेल्दै छ । ओमान र यूएईसँग फराकिलो रनले पराजित भएको नेपाल पहिलो जितका लागि आज मैदान उत्रिएको छ ।

बिहान ७ः१५ मा हुने भनिएको नेपाल र मलेसियाबीचको खेल वर्षाले गर्दा ढिलाइ हुने भएको छ । यो समाचार तयार पार्दासम्म टस हुन सकेको छैन । भने, पानी रोकिएको छैन । सुरूवाती दुर्इ खेलमा हार ब्यहोरेको नेपालले प्रतियोगिताको फाइनलको आशा जिवित राख्न बाँकि सबै खेल जित्नु पर्नेछ । त्यसैले नेपाललाई खेल जित्नै पर्ने दबाव छ । ५० ओभरको खेलमा नेपालले मलेसियासँग हारेको छैन। अहिलेसम्म यी दुई टिम ६ पटक खेलेका छन् ।

 

सन् २००२ मा भएको एसीसी ट्रफीमा नेपालले मलेसियालाई २५ रनले पराजित गरेको थियो। यस्तै २०१० को एसीसी ट्रफि एलिटमा नेपालले मलेसियालाई ८ रनले पराजित गरेको थियो भने २०१२ मा भएको डिभिजन ४ मा नेपालले मलेसियामाथि १० विकेटको जित हात पारेको थियो।

 

२०१२ कै एसीसी ट्रफी एलिटमा नेपालले मलेसियालाई २१ रनले पराजित गरेको थियो भने २०१४ को एसीसी प्रिमियर लिगमा नेपाल ५ विकेटले विजयी भएको थियो। पछिल्लो पटक नेपालले सन् २०१४ को डिभिजन थ्री मा मलेसियासँग खेलेको थियो। मलेसियामै भएको त्यो खेलमा नेपाल डिएल मेथडमा ३६ रनले विजयी भएको थियो।

कमेन्ट गर्नुहोस्

error: Content is protected !!