मन छुने कविताः शान्ति र प्रेम

अशान्तिलाई हटाउन यहाँ
प्रेमको बन्धन चाहिएको छ
सारा सृष्टि जोगाउन यहाँ
शान्तिको दुत चाहिएको छ

मणिकुमार श्रेष्ठ ‘सिजन’

खै के–के चाहिएको छ यहाँ
न्याय दिन नसक्नेले
प्रेमको भाषा के बुझ्लान र ?
अन्याय र अत्याचारमा रमाएका
ती कुल्लिन वर्गहरुले
शान्तिको भाषा के बझ्लान र ?
त्यसैले त
न्याय र अन्यायलाई छुट्याउन सक्ने
प्रेमको रोधन चाहिएको छ ।
त्यहीभित्र
समानता दिलाउन सक्ने
शान्तिको प्रतीक चाहिएको छ ।

कोही छन् यहाँ चिल्ला गाडीमा
कोही जान्छन्, दिनरात मेलापातमा
खै के गर्नु कुरा प्रेमको
किन गर्नु कुरा शान्तिको
धनी र गरीबबीचको
पर्खाल तोड्नका लागि
चाहिएको छ यहाँ
प्रेमरुपी शान्तिका तरवार ।।

साल्पासिलिछो, भोजपुर

कमेन्ट गर्नुहोस्

error: Content is protected !!