माओवादी र प्रहरीबीच भिषण भिडन्त, १५ माओवादी मारिएको दाबी

छत्तीसगढ, साउन २१ । भारत छत्तीसगढको सुकमा जिल्लामा सोमवार बिहान प्रहरी र भारतीय माओवादीका लडाकू बीच भएको मुठभेडमा १५ जना माओवादी मारिएको बताइएको छ ।

भारतीय सञ्चारमाध्यमका अनुसार बस्तरका आइजी विवेकानन्द सिन्हालाई उधृत गर्दै भिडन्तपछि अहिले सो क्षेत्रमा खोजी कार्य भाइरहेको छ । विस्तृत विवरण आउन बाँकी छ । प्रहरीले कोन्टा र गोलापल्ली क्षेत्रमा सय भन्दा धेरै माओवादी जम्मा भएको सूचना पाएपछि सीआरपीएफ, स्पेशल टास्क फोर्स र डिस्ट्रिक्ट रिजर्व फोर्सको संयुक्त टोलीले सर्च अभियान शुरू गर्यो ।

उनीहरुको साथबाट हतियार ठूलो मात्रामा गोला–बारूद पनि बरामद भएको बताइएको छ । पाँच लाख इनाम दिएर एक जना महिला माओवादीलाई प्रहरीले पक्राउ गर्यो र त्यसपछि उक्त सर्च अभियानमा यो सफलता भारतीय सुरक्षाकर्मीलाई मिलेको बताइएको छ ।

यो वर्षमात्रै सो क्षेत्रमा तीनवटा ठूलो घट्ना भएका छन् । २ मार्चमा तेल्ङगाना प्रहरीको सहयोगमा छत्तीसगढको बीजापुरमा आधा दर्जन महिला कमाण्डरसहित १० जना माओवादी मारिएका थिए । २२ अप्रलिमा पूर्वी महाराष्ट्रको के गढचिरौली जिल्लामा भएको मुठभेडमा ३७ माओवादीको शव बरामद गरेको भारतीय प्रहरीले बताएको थियो । त्यसैगरी १९ जुलाईमा बीजापुरमै ८ जना माओवादी मारिएका थिए । जसमा माओवादीका शीर्ष नेतासमेत रहेका भारतीय अधिकारीहरुले दाबी गरेका थिए ।

छत्तिसगढका मुख्यमन्त्री रमन सिंहले २ अगस्तमा माओवादी विरुद्धको कारबाहीलाई थप सशक्त पारिने बातएका थिए । मुख्यमन्त्री सिंहले त्यति बेला माओवादीहरुलाई ‘आत्मसमपर्ण गरेर राजनीतिक मुलधारमा आउन वा मर्नका लागि तयार रहन’ भनेका थिए ।

गएको ३ अगस्तमा दोरनापाल (सुकमा) मा माओावादीले एक वर्षभित्र आफ्ना २०६ नेता कार्यकर्ता मारिएका र त्यसमा ७२ जना महिला भएको स्वीकार गरेको थियो । दण्डकारण्यमा सबैभन्दा धेरै १५० जनाको मृत्यु भएको बताइएको छ ।

कमेन्ट गर्नुहोस्

error: Content is protected !!