गृह मन्त्रालयमा अायोजित कार्यक्रममा महानिरीक्षकद्वयलाई दर्ज्यानी चिह्न प्रदान

काठमाडौँ । नेपाल प्रहरीका महानिरीक्षक सर्वेन्द्र खनाल र सशस्त्र प्रहरी बलका महानिरीक्षक शैलेन्द्र खनाललाई बिहीबार दर्ज्यानी चिह्न प्रदान गरिएको छ ।

गृह मन्त्रालयमा आयोजित कार्यक्रममा गृहसचिव प्रेमकुमार राईले महानिरीक्षक खनालद्वयलाई दर्ज्यानी चिह्न प्रदान गर्नुभएको हो।

दुवै प्रहरी संगठनका नवनियुक्त महानिरीक्षकले बिहीबारबाटै आफ्नो कार्यभार सम्हाल्नुभएको छ ।

मंगलबार बसेको मन्त्रिपरिषद्को बैठकले खनालद्वयलाई महानिरीक्षकमा नियुक्त गर्ने निर्णय गरेको थियो ।

नेपाल प्रहरीका महानिरीक्षक प्रकाश अर्याल र सशस्त्र प्रहरीबलका महानिरीक्षक सिंहबहादुर श्रेष्ठले ३० वर्षे सेवाहदका कारण बुधबारदेखि पदबाट अवकाश पाउनुभएको छ ।

रासस

कमेन्ट गर्नुहोस्

error: Content is protected !!