पर्यटन आर्थिक विकासको महत्वपूर्ण आधार : प्रचण्ड

काठमाडौं, चैत २८ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपालको आर्थिक विकासको अनन्त यात्रामा पर्यटन सबैभन्दा महत्वपूर्ण आधार रहेको बताउनु भएको छ ।

एसोसिएसन अफ ¥याफ्टिङ्ग एजेन्सीजले बुधबार नेपाल पर्यटन बोर्डमा आयोजना गरेको अन्तरक्रियामा अध्यक्ष प्रचण्डले भन्नुभयो, ‘नेपालको आर्थिक विकासको एउटा अनन्त यात्रामा जाने व्यवसाय भनेको पर्यटन नै हो । हामीले पर्यटनका लागि आवश्यक पर्ने पूर्वाधारहरू विकास गर्नेमा ध्यान केन्द्रित ग¥यौँ भने पर्यटन व्यवसाय त्यस्तो व्यवसाय हो जसको कहीँ अन्त्य छैन ।’

अध्यक्ष प्रचण्डले नेपाल चीन र भारतका अरबौं मानिसहरुको बिचमा रहेकोले उनीहरुलाई नेपाल भित्र्याउने वातावरण बनाउने हो भने आर्थिक स्थितिमा क्रान्तिकारी परीवर्तनको प्रचुर संभावना रहेको बताउनुभयो ।

‘हामी अरबौँ मानिसहरूको बिचमा छौँ पर हामी धार्मिक रूपले सांस्कृतिक रूपले, भौगोलिक रूपले र स्वास्थ्यको दृष्टिकोणले, शैक्षिक दृष्टिकोणले पर्यटनका विभिन्न संभावनाहरुको ढोका खोल्न सक्ने स्थिति छ’, उहाँले भन्नुभयो ‘हामीले दुवै हाम्रा छिमेकीबाट मात्रै पनि निश्चित प्रतिशत मानिसहरूलाई नेपाल आउने वातावरण बनायौँ भने हाम्रो देशको आर्थिक स्थितिमा ठुलो क्रान्तिकारी परिवर्तन ल्याउन सकिने सम्भावना छ ।’

त्यसको निम्ति हामीले छलफलहरू, अन्तरक्रियाहरू, बौद्धिक बहसहरू र अनुसन्धानहरू निरन्तर रूपले अगाडी बढाउनुपर्ने आवश्यकता रहेको अध्यक्ष प्रचण्डको भनाई छ ।
अध्यक्ष प्रचण्डले नेपालमा प्रसस्तै नदिनाला भएको कारणले पर्यटनमा पनि पानी पर्यटनको संभावना धेरै रहेको बताउनुभयो ।

‘अहिलेको युग पानीको युग हो । विश्लेषकहरुले अब तेस्रो विश्वयुद्ध भए पानीकै कारणले हुने विश्लेषण गरेका छन् । अहिलेको दुनियाँमा पानी नै विश्वको सबैभन्दा ठूलो शक्ति हो । नेपालका सन्दर्भमा पानी पर्यटनको अनन्त यात्रा र आधार हो,’ उहाँले भन्नुभयो ‘त्यसका लागि भएका नदिनालाहरु खोलाहरू मध्ये कुन चाहिँ के को निम्ति सबैभन्दा उपयुक्त छ भनेर छुट्याउनुपर्ने र त्यही अनुसार संरक्षण गर्नुपर्ने आवश्यकता छ ।’

राज्यले सबै नदिनालाहरुको स्थिति मूल्याङ्कन गरेर त्यसको पोजिसन स्पष्ट गर्ने र राज्यको तर्फबाट त्यही अनुसार अगाडी बढाउन जरुरी रहेको प्रचण्डको भनाई छ ।

अध्यक्ष प्रचण्डले थप्नुभयो – ‘विश्वपनि नेपालको पर्यटनबारे बिस्तारै जानकार हुँदै छ र नेपालपनि कदम कदम गरेर अगाडी बढ्दै छ । ’

कमेन्ट गर्नुहोस्

error: Content is protected !!