सम्पत्ति शुद्धीकरण विभागको मुद्दामा विशेष अदालतद्वारा परशुराम बस्नेतलाई सफाइ

काठमाडौं । विशेष अदालतले परशुराम बस्नेतलाई सफाइ दिएको छ ।

आइतबार अदालतका अध्यक्ष बाबुराम रेग्मी तथा सदस्यद्वय रत्नबहादुर वागचन्द र नारायणप्रसाद पोखरेलको इजलासले सफाइ दिएको अदालतका प्रवक्ता नगेन्द्रकेशरी पोखरेलले जानकारी दिनुभयो ।

उहाँले बस्नेतमाथि लगाइएको सम्पत्ति शुद्धीकरणअन्तर्गत कसुर गरेर आर्जन गरेको सम्पत्ति शुद्धीकरण विभागको मुद्दामा माग दाबी गरेअनुसारको कसुर गरेको भन्ने कुरा स्थापित हुन नसकेकाले सफाइ दिएको हो ।

बस्नेतसहित उहाँकी श्रीमती अञ्जुसिंह बस्नेतलाई सफाइ दिएको हो । सम्पत्ति शुद्धीकरण विभागले २०७० जेठ ५ गते सम्पत्ति शुद्धीकरणअन्तर्गत रु ११ करोड ६१ लाख ४१ हजार ९७७ आर्जन गरेको भन्दै बिगोसहित अदालतमा मुद्दा दायर गरेको थियो ।

रासस

कमेन्ट गर्नुहोस्

error: Content is protected !!