नेपाललाई चौथो सफलता, ऐरीले लिए लगातार दोस्रो विकेट

काठमाडौं, फागुन २६ । आइसीसी विश्वकप छनोट क्रिकेटमा नेपालले दिएको १९५ रनको लक्ष्य पछ्याएको अफगानिस्तानको चौथो विकेट पतन भएको छ ।

जिम्बावेको बुलावायो एथलेटिक मैदानमा टस जितेर पहिले ब्याटिङ गरेको नेपालले ४९।५ ओभरमा १९४ रनमा अलआउट भयो।

अफगानिस्तानका मोहम्मद नाभीलाई दिपेन्द्रसिंह ऐरीको बलमा ज्ञानेन्द्र मल्लले क्याच आउट गरेका हुन् । यसअघि तेस्रो विकेट पनि दिपेन्द्रसिंह ऐरीले नै लिएका थिए । अफगानिस्तानका रहमद शाहलाई उनले ४६ रनमा आउट गराएका थिए ।

यसअघि सन्दीप लामिछानेले अफगानिस्तानका जामिद अह्मादीलाई २६ रनमा आउट गराएका हुन् ।

नेपालका लागि पहिलो विकेट करण केसीले लिएका थिए । उनले २१ रन बनाएका अफगान कप्तान रसिद खानलार्इ आउट गराएका हुन् ।

कमेन्ट गर्नुहोस्