निर्वाचनमा ६४ हजार सेना परिचालन

काठमाडौं, मंसिर ८ । आगामी प्रतिनिधि र प्रदेशसभा निर्वाचनमा ६४ हजार २० जना नेपाली सेना परिचालन गरिएको छ।

नेपाली सेनाले मतपत्र छपाइ सुरक्षा, निर्वाचन सामग्री ढुवानी, कारागार तथा विमानस्थल सुरक्षा लगायत निर्वाचन सुरक्षाका लागि तेस्रो घेरामा रहेर सुरक्षा प्रदान गर्ने गरिरहेको सैनिक जनसम्पर्क तथा सूचना निर्देशनालयले जनाएको छ।

पहिलो चरणको निर्वाचनका लागि नेपाली सेनालाई तोकिएका स्थानहरुमा मतपत्र ढुवानी कार्य सम्पन्न गरिसकेको जनाइएको छ। निर्देशनालयका अनुसार, सैनिकहरुले दोस्रो चरणमा निर्वाचन हुने ४५ जिल्लामध्ये अधिकांश जिल्लामा मतपत्र ढुवानी गरिसकेर बाँकी केही जिल्लामा ढुवानी गरिरहेका छन्।

कारागारको समेत जिम्मा पाएको सेनाले देशका विभिन्न ५३ वटा कारागार र २३ वटा विमानस्थलहरुको सुरक्षा पनि गरिरहेको छ।

कमेन्ट गर्नुहोस्

error: Content is protected !!