डडेल्धुरामा चुनावी अभियान तीव्र, देउवालाई भट्टकाे कडा चुनौती

डडेल्धुरा, कात्तिक २७ । डडेल्धुरामा चुनावी अभियान तीव्र पारिएको छ । जिल्लामा नेपाली काँग्रेस, वाम गठबन्धन, राप्रपा, नयाँ शक्ति पार्टीलगायत दलले चुनावी अभियान तीव्र पारेका छन् ।

काँग्रेसले परशुराम नगरपालिकाबाट चुनावी अभियान थालनी गरी अजयमेरु गाउँपालिकाको चिपुर देवल, भागेश्वर गाउँपालिकाको रुपाल र वगरकोटमा सम्पन्न गरेको छ । वाम गठबन्धनले अजयमेरु, नवदुर्गा, भागेश्वरमा भेला सम्पन्न गरेको छ । उनीहरुले घरदैलो कार्यक्रम गरी मतदातालाई आफ्नो पक्षमा मत हाल्न अनुरोध गरिरहेका छन् ।

एउटा मात्र निर्वाचन क्षेत्र रहेको जिल्लामा प्रतिनिधिसभातर्फ काँग्रेस उम्मेदवार एवं प्रधानमन्त्री शेरबहादुर देउवा र वाम गठबन्धनका उम्मेदवार माओवादी केन्द्रका खगराज भट्ट आफ्नो जित सुनिश्चित रहेको दाबी गर्दै आइरहका छन् ।

प्रदेशसभा (क) मा काँग्रेसबाट रघुवर भट्ट र (ख) मा कर्ण मल्ल उम्मेदवार हुनुहुन्छ । वाम गठबन्धनबाट प्रदेशसभा (क) मा एमाले पठानसिंह बोहरा र (ख) मा एमालेकै डा तारा जोशी उम्मेदवार छन ।

जिल्लाको बेराजगारी र विकास निर्माणको कामलाई अगाडि बढाउने योजनासहित प्रचारप्रसार थालेको वाम गठबन्धनका तर्फबाट प्रदेशसभा ‘ख’ का उम्मेदवार डा जाशीले बताए ।

“जिल्लाको समृद्धि वाम गठबन्धनका उम्मेदवार जिताए मात्र सम्भव छ,” उनले भने ।

कमेन्ट गर्नुहोस्

error: Content is protected !!