नवलपरासी तस्करीको ट्रान्जीट प्वाईन्टः प्रहरी र तस्करको मिलोमतोमा व्यापक तस्करी

बुटवल, असोज १० । नवलपरासीमा प्रहरी र भन्सार कर्मचारीको मिलोमतोमा व्यापक तस्करी भईरहेको रहस्य खुलेको छ । प्रहरी र भन्सार कर्मचारीहरुले तस्करहरुसँग मोटो रकम लिएर तस्कर गर्ने कार्यमा सघाउ पुर्याउँदै आएको रहस्य खुलेको हो ।

हिजोमात्र नवलपरासीको महेशपुर हरपुर क्षेत्रमा राजश्व अनुसन्धान पश्चिमाञ्चल क्षेत्रीय कार्यालय बुटवलको टोलीले यस क्षेत्रमा ठुलो परिमाणमा अवैध कपडा बरामद गरेपछि यस्तो रहस्य बाहिर आएको छ ।

सो टोलीले एक गोदाममा छापा मारेर अवैध कपडा बरामद गरेपछि तस्करहरुले आफुहरुले सशस्त्र प्रहरी र नेपाल प्रहरीलाई मासिकरुपमा मोटो रकम दिने गरेको भन्दै राजश्व अनुसन्धानको टोलीलाई अवरोध पुर्याएपछि यस्तो रहस्य बाहिर आएको थियो ।

नवलपरासीको महेशपुर नाका यतिबेला कपडा तस्करीका लागि मुख्य रोजाई बनेको छ । अहिले पनि महेशपुर नाकामा कपडा तस्करीका लागि केही गोदाम बनाईएका छन् । तर यसप्रति यस क्षेत्रका प्रहरी प्रशासन कानमा तेल हालेर सुतेको अवस्था छ । सुरक्षा निकायले सशस्त्र प्रहरीले नेपाल प्रहरी र नेपाल प्रहरीले सशस्त्र प्रहरीले देखाई आफूहरु तस्करी नियन्त्रण कार्यमा प्रभावकारीरुपमा लाग्ने गरेको पाईएको छैन ।

तस्करहरुले रातको समयमा ति गोदामहरुबाट माल निकालेर प्रहरीको सहयोगमा राजमार्गसम्म पुर्याउने गर्दछन् । नवलपरासीमा यतिबेला तस्कारीका लागि मुख्य ट्रान्जिट स्थल (प्वाईन्ट) बनेको छ । एकतर्फ नेपालको राजश्व चुहावट गर्ने अर्कोतर्फ प्रहरी र भन्सारका कर्मचारी मोटाउने कार्य बढ्दै गएको छ ।

सिमावर्ती भारतीय बजारबाट विशेषगरी यतिबेला ठुलो परिमाणमा कपडाको तस्करी हुने गरेको छ । नवलपरासीका प्रहरी प्रहरीहरुको समेत यसतर्फ हात रहँदै आएको छ ।

विशेषगरी नेपाल प्रहरी र शशस्त्र प्रहरीको संलग्नतामा तस्करहरुले सजिलै नवलपरासीको बाटो हुँदै तस्करी गर्ने गरेका छन् । यस बापत तस्करहरुले प्रहरीहरुलाई मासिकरुपमा लाखौ रकम बुझाउने गरेका छन् ।

विशेषगरी नेपाल–भारत सीमा क्षेत्रबाट बिना भन्सार, एउटा बिलबाट पटक–पटक सामाग्री ल्याउने गरेर व्यापक तस्करी हुने गरेको छ । यसको नियन्त्रणमा नेपाल प्रहरी र शशस्त्र प्रहरीको समेत बेवास्ता गर्दै आएको पाइन्छ ।

कपडा जन्य व्यापारको माग बढेपछि झन दशैको अवसरमा कपडाको माग बढेपछि तस्करहरु पनि आफ्नो कार्यमा झन बढावा दिएका छन् । विशेषगरी तस्करहरुले सुरक्षा निकायको मिलोमतोमा दिनको समयमा भन्दा रातको समयमा तस्करी गर्ने गरेका छन् । गाडीमा लोड गरी ती कपडा अन्य बस्तुहरुलाई राजमार्गसम्म पुर्याउने र त्यहाँबाट चितवन, काठमाडौँ पुर्याउने गरेका छन् ।

यस कार्यमा नवलपरासीमा प्रहरी प्रमुखहरुको समेत संलग्नता रहेको पाईन्छ । जिल्लामा प्रहरी प्रमुखहरुले शान्ति सुरक्षाका लागी गोप्य सुचना प्राप्त भर्न केही गोप्य सुराकी अथवा धुमुवा समेत राखेका छन् । तर, ति घुमुवाहरुले ती अवैध कारोबार गर्ने तस्करहरुसँग मोटो रकम असुल गर्ने गरेको पाइएको छ ।

स्रोतका अनुसार तस्करहरु मासिकरुपमा प्रहरी प्रमुखसम्म रकम पुग्ने गरी ती घुमुवा वा गोप्य सुकारी गर्ने सुरक्षाकर्मीलाई मोटो रकम दिने गरेका छन्, जुन रकम उनीहरुमार्फत नवलपरासीमा प्रहरी प्रमुख समक्ष पुग्ने गर्दछ ।

यस कार्यका लागि नवलपरासीमा नेपाल प्रहरीतर्फ प्रहरी सहायक निरिक्षक गजानन्द शाह र सशस्त्र प्रहरीतर्फ सशस्त्र प्रहरी जवान मिश्रीलाल यादव र राजेश गुप्ता रहेका छन् ।

उनीहरु सबैको नवलपरासीबाट अवैध तस्कारीको काम गर्ने सबै तस्कहरु राम्रो उठबस छ । यसबारे प्रदेश नं.५ को प्रहरी कार्यालयका प्रमुख प्रहरी अतिरिक्त महानिरिक्षक मिङ्गमार लामाले तत्काल यसबारे सत्यता फेला परे दोषी कर्मचारीलाई कारवाही गरिने प्रतिकृया दिए ।

यसबारे सशस्त्र प्रहरी पश्चिमाञ्चल क्षेत्रीय कार्यालयका प्रमुख सशस्त्र प्रहरी अतिरिक्त महानिरिक्षक सुबोध अधिकारीले यसबारे अनुसन्धान गरी दोषी फेला परेका कारवाही गरिने प्रतिबद्धता व्यक्त गरे ।

कमेन्ट गर्नुहोस्