७९ तहको नतिजा सार्वजनिक : कांग्रेस पहिलाे, माओवादी दाेस्राे

फोरम नेपाल र राजपा बराबर

काठमाडौं, असोज ७ । तेस्रो चरणको स्थानीय तह निर्वाचनअन्तर्गत् प्रदेश नम्बर–२ मा भएको निर्वाचनको ७८ स्थानको मतपरिणाम सार्वजनिक भएको छ ।

नेपाली कांग्रेस २८, नेकपा माओवादी केन्द्र १४, संघीय समाजवादी फोरम नेपाल १२ र राष्ट्रिय जनता पार्टी (राजपा) नेपाल १२ स्थानीय तहको प्रमुख/अध्यक्षमा विजयी भएका छन् ।

यस्तै, नेकपा एमाले ८, नेपाल लोकतान्त्रिक फोरम ३ र नेपाली जनता दल एक स्थानीय तहमा विजयी भएका छन् ।

पछिल्लो परिणामअनुसार रौतहटको दुर्गाभवानी गाउँपालिकाको अध्यक्षमा कांग्रेसका अरुण साह र उपाध्यक्षमा कांग्रेसकै मञ्जुदेवी विजयी भएका छन् ।

रौतहटको वृन्दावन नगरपालिकाको प्रमुखमा कांग्रेसका रामस्नेही यादव र उपप्रमुखमा पनि कांग्रेसकै नूर जहाँ विजयी भएका छन् ।

यस्तै, बाराको विश्रामपुर गाउँपालिकाको अध्यक्षमा नेपाल लोकतान्त्रिक फोरमका अमिरीलाल राउत र र उपाध्यक्षमा सोही पार्टीकी सुमित्रा देवी विजयी भएका छन् ।

महोत्तरीको भंगाहा नगरपालिकाको प्रमुखमा राजपाका सन्जीवकुमार साह र उपप्रमुखमा पनि राजपाकै गंगाकुमारीसिंह दनुवार विजयी भएका छन् ।

बाराको सिम्रौनगढ नगरपालिकाको प्रमुखमा कांग्रेसका विजय यादव र उपप्रमुखमा राजपाका रीता कुसहवा विजयी भएका छन् ।

सर्लाहीको बलरा नगरपालिकाको प्रमुखमा राजपाका अभय सिंह र उपप्रमुखमा पनि राजपाकै रामसखी देवी कुसहवा विजयी भएका छन् ।

कमेन्ट गर्नुहोस्

error: Content is protected !!