भूकम्पमा परी मेक्सिकोमा एउटै विद्यालयका २१ जनाको मृत्यु

काठमाडौं, असोज ५ । मेक्सिकोमा गएको ७ दशमलव १ म्याग्नेच्युटको शक्तिशाली भूकम्पमा एउटै प्राथमिक विद्यालयका २१ जना छात्रछात्राको मृत्यु भएको छ ।

भूकम्पले विद्यालयको भवन भत्किँदा परिएका २१ जना बालबालिका र ५ जना वयस्कको शव भेटिएको हो ।

यो समेत गरी भूकम्पका कारण अहिले २ सय ३० जनाभन्दा बढीको मृत्यु भइसकेको पुष्टि भएको अधिकारीहरुले जनाएका छन् ।

उद्धारकर्ताहरुले विद्यालयको भग्नावशेषमा अझै तीन जना विवितै रहेको बताएका छन् । भत्किएको संरचनाभित्रबाट एक जनाको उद्दार गरिएको छ ।

ठूलो भूकम्पपछि हराइरहेका व्यक्तिको खोज तथा उद्धार कार्य जारी रहेको छ । भूकम्प प्रभावित क्षेत्रहरुमा अझै कैयौं व्यक्ति हराइरहेका छन् ।

भत्किएका संरचनाभित्र पुरिएका मानिसको खोज जारी छ । भूकम्पका कारण कैयौं घर तथा गिर्जाघर भत्किएका छन् ।

राष्ट्रपतिले तीन दिने राष्ट्रिय शोकको घोषणा गरेका छन्  ।

कमेन्ट गर्नुहोस्

error: Content is protected !!