पाटन नगरपालिकाको बजेट ४८ करोड

बैतडी, असोज ४ । पाटन नगरपालिकाले चालु आव २०७४–७५ का लागि रु ४८ करोड ५९ लाख १२ हजारको बजेट पारित गरेको छ ।

नगरपालिकाको प्रथम नगरसभाले भौतिक पूर्वाधार निर्माण, कृषि, शिक्षा र स्वास्थ्यलाई प्राथमिकता दिँदै बजेट पारित गरेको नगरपालिकाका प्रवक्ता लोकबहादुर भण्डारीले जानकारी दिए ।

नगरपालिकाका सबै वडाका केन्द्रमा सडक पुर्याउने उद्देश्य सहित सडक निर्माणका लागि झण्डै रु.तीन करोड बजेट विनियोजन गरिएको छ । नगरपालिकाभित्रका विद्यालयको शैक्षिक गुणस्तरमा अभिवृद्धि गर्ने र निजी स्रोतका शिक्षकको व्यवस्थापन गर्ने उद्देश्यसहित नगर शिक्षक राख्ने कुरा नगर सभाले पारित गरेको भण्डारीले बताए ।

यसैगरी, स्वास्थ्य सेवालाई प्रभावकारी बनाउन स्वास्थ्य चौकी नभएका वडामा स्वास्थ्यचौकी विस्तार गर्न र अनमी राख्न रु एक करोडको बजेट विनियोजन गरेको छ । कृषि तथा उद्यमशीलतालाई महत्व दिँदै कृषिका कार्यक्रमलाई प्रभावकारी रुपमा अघि बढाउने नगरसभाले निर्णय गरेको छ ।

कमेन्ट गर्नुहोस्

error: Content is protected !!