सुदुरपश्चिमकाे ‘बुढी पोल्ने’ पर्व

कैलाली, असोज १ । सुदूरपश्चिमका बिभिन्न पहाडी जिल्लामा आज बुढी पोल्ने पर्व मनाइँदैछ ।

धुमधामका साथ मनाइने यो पर्व विजय उत्सवको रुपमाबुढी अर्थात राक्षसी पुतनालाई पोल्ने गरिन्छ ।

किंवदन्ती अनुसार भगवान श्री कृष्णले राक्षसी प्रवृतिकी पुतनालाई मारेपछि उनका साथी ग्वाला (गोठाला)हरुले पुतनाको शव दहन गरेको कथन छ ।

द्वापर युगमा विशाक्त दुध सेवन गराई बालबालिकाहरुको ज्यान लिने गरेकी राक्षसी पुतनालाई भगवान श्री कृष्ण दुध चुसी मारेको र भगवान श्री कृष्णले बाँचेको खुशियालीमा यो पर्व मनाईने गरिएको स्थानीय बुढापाकाहरुको भनाई रहेको छ ।

सुदूरपश्चिममा भाद्र संक्रान्तीका दिन गाडिएको सल्लाको वा अन्य बोट विरुवाको लिङगोमा आज साँझपख बुढी पोलिने र सोही ठाउँमा काँक्रा खांदै लुतो बाँड्ने प्रचलन छ ।

त्यस्तै बुढी पोलेर घर फर्किने क्रममा बाटो–बाटोमा बलेको दियो पनि गाड्दै जाने प्रचलन छ । यस पर्वमा रातभरी देउडा, भुवा जस्ता साँस्कृतिक कार्यक्रम गरिने चलन पनि रहेको छ ।

कमेन्ट गर्नुहोस्