फोरमका नेता रोका सहित २ हजार माओवादी केन्द्रमा प्रवेश

राजधानीमा भएको कार्यक्रममा संघीय समाजवादी फोरमका सचिवालय सदस्य नवीन रोकाको नेतृत्वमा १५०० जना, नेकपाका नेताहरु मोहन न्यौपाने र मेखबहादुर बिक लगायतका नेताहरुको नेतृत्वमा ५ दर्जन र वैद्य माओवादीका नेता थमानसिंह तामाङको नेतृत्वमा ३०० नेता कार्यकर्ता माओवादी केन्द्रमा प्रवेश गरेका हुन्।

पार्टी प्रवेश गराउँदै अध्यक्ष प्रचण्डले सबै माओवादी र परिवर्तनकारी शक्तिहरु एक हुनुको बिकल्प नभएको बताए ।

प्रचण्डले भने, ‘हाम्रो मिसन धेरै ठूलो छ, समाजवादको मिसन हामीले पूरा गर्नुछ। बीचमा माओवादी आन्दोलनमा निकै ठूला टुटफुट र विभाजनका श्रृङखला चले। अहिले धेरै साथीहरु ब्युझन थाल्नुभएको छ। बिस्तार सबै साथीहरु ब्युझन्छन्, नेताहरु पनि ब्युझन्छन् र माओवादी आन्दोलन शक्तिशाली भएर आफ्नो मिसनमा अगाडि बढ्छ।’ 

कमेन्ट गर्नुहोस्

error: Content is protected !!