अमेरिकास्थित रुसी वाणिज्य दूतावासमा धुँवाको मुस्लो, दमकलकर्मीलाई प्रवेश निषेध

भदौ १७ । अमेरिकाको सन फ्रान्सिस्कोस्थित रुसी वाणिज्य दूतावासमा शुक्रबार अचानक धुँवाको मुस्लो देखियो । आगलागीको आशंकामा त्यहाँ पुगेका दमकलकर्मीलाई रुसी अधिकारीले प्रवेश दिएनन् ।

दमकलकर्मीलाई रुसी अधिकारीहरुले कार्यालयकै चिम्नीमा पुराना तथा काम नलाग्ने बस्नु जलाइएको भन्दै फर्काएका समाचार एजेन्सीहरुले जनाएको छ ।

अमेरिकाले रुसका दुई वाणिज्य दूतावास बन्द गर्न आदेश दिएको भोलिपल्टै सो घटना भएको हो । अमेरिकाले बन्द गर्न आदेश दिएका वाणिज्य दूतावासमध्ये उक्त दूतावास पनि पर्दछ ।

रुसको अनुचित कारवाहीको जवाफ स्वरुप भन्दै अमेरिकी सरकारले शनिबारसम्ममा न्यूयोर्क र वासिंटनमा रहेका वाणिज्य दूतावास र संलग्न कार्यालयहरु बन्द गर्न भनेको हो ।

गत महिना रुसले उसको देशमा रहेका अमेरिकी कूटनीतिज्ञको संख्या घटाएको थियो, जसको जवाफमा यो कदम लिइएको जनाइएको छ ।

कमेन्ट गर्नुहोस्

error: Content is protected !!